MODAS: Sas Boghes de sos Cantadores a Tenore

Su podcast de su Progetu Modas

Su tempus de oe, su passadu e su presente de su cantu a tenore contados dae sos cantadores e dae Bustianu Pilosu

MODAS: SAS BOGHES DE SOS CANTADORES A TENORE est unu podcast in sardu chi, cun sa boghe de sos cantadores, nos contat e nos ispricat sos temas prus sentidos in su mundu de sa mùsica de traditzione orale e màssimu in cussu de su cantu a tenore chi si moet intro de sos orizontes contemporàneos de sa Sardigna de oe. Sos arrejonos de su podcast sunt totus in sardu, distimonzos non petzi de sas modas e de sos trajos, ma fintzas de sos faeddos diferentes chi si chistionant in sas biddas.

“Modas: Sas Boghes de sos Cantadores a Tenore” si podet agatare in totus sas piataformas de podcast prus de importu comente Spotify, Apple Podcast, Amazon Music, Spreaker e YouTube, una arrejonada noa cada martis e chenàbura, cumintzende dae su 19 de nadale 2023. Sa sèrie de su podcast est fraigada impidende sas intervistas chi Bustianu Pilosu at fatu pro sa chirca subra a su cantu a tenore de su progetu MODAS. Sas registratziones àudio sunt de Bustianu Pilosu e Gigi Oliva, intames su mixàgiu e su master sunt de Roberto Macis. Sa produtzione de su podcast, gasi comente s’istèrrida de cada puntada, est òpera de Diegu Pani.

Su podcast est parte de su Progetu“Isterridas: Ricerca, salvaguardia e diffusione della pratica del canto a Tenore” finantziadu cun sa L. 77/2006 dae su Ministeru de sa Cultura, e nd’est produidu dae s’ISRE, Istituto Superiore Regionale Etnografico.